Leyndarmál Leopold hverfisins

    Í þessari ferð er farið öfganna á milli! Ef þú hélst að Brussel væri leiðinleg grá skrifstofuborg þá kemur þessi ferð þér skemmtilega á óvart.

     

    Við byrjum hjá konungshöllinni þar sem ferðin er sett í samhengi út frá sögu konungsfjölskyldunnar. Þaðan göngum við yfir í Matong hverfið sem er eignað Kongóbóum og fjallað um átakanlega sögu þess. Síðari hluti ferðarinnar liggur í gegnum hverfi Evrópusambandsins þar sem farið er yfir sögu hverfisins og uppbyggingu, auk alls þess sem hverfið hefur upp á að bjóða.

    Fyrir flesta er Leopold hverfið aðeins stórt svæði skrifstofubygginga Evrópusambandsins þar sem lítið annað er að sjá. Það gæti ekki verið fjarri sannleikanum! Á þessu svæði eru fjölmörg lifandi torg, græn svæði, þekkt söfn og seldar bestu fríturnar (skv. formlegri landsdómnefnd)!

     

    Steinsnar frá er svo hið magnaða Matonge hverfi sem minnir stöðugt á blóðuga sögu Belgíu í Kongó. Farið verður yfir söguna og stöðuna í dag. Matonge er eins konar afrískt-bohéme hverfi sem iðar af lífi, framandi matvöru, litagleði, tónlist og hárlengingum!

     

    Helstu viðkomustaðir eru m.a. Place du Luxembourg, Rond-point Schuman, Porte de Namur, Parc Leopold

     

    Mæting: Konungshöllin

    Metrostöð: Trone

    Tramstöð/strætóstöð: Palais

     

    Lengd: 2,5 klst

    Verð: 30 EUR, ókeypis fyrir 18 ára og yngri